Wilaya ya Siha yapongezwa kwa ubora wa miradi ya maendeleo

Posted on: August 2nd, 2022

Katibu Mkuu wa Chama cha Mapinduzi  Daniel Chongolo ametoa pongezi nyingi Viongozi wa Wilaya ya Siha na Halmashauri ya Wilaya ya Siha Mkoa wa Kilimanjaro kwa kusimamia vema utekelezaji wa miradi ya maendeleo iliyo bora na imara.

Pongezi hizo amezitoa leo tarehe 2.8.2022 akiwa katika  ukaguzi wa mradi wa ujenzi wa shule ya Kisasa Kata ya Biriri Wilaya ya Siha Mkoa wa Kilimanjaro,shule inayojengwa kwa fedha za Serilkali ya awamu ya Sita inayoongozwa na Mhe. Samia Suluhu Hassan Rais wa Jamhuri ya Muungano wa Tanzania.

Akiwa katika ziara hiyo ya siku moja katika Wilaya ya Siha katibu Mkuu wa CCM Taifa aliwakumbusha wananchi wa Wilaya ya Siha kushiriki kikamilifu katika zoezi la sensa ya watu na Makazi litakalofanyika nchi nzima tarehe 23 Agosti,2022.

Mtaalam wa ujenzi ndugu Mbaraka Kiure akieleza hatua mbalimbali za ujenzi wa shule hiyo  kwa katibu Mkuu wa CCM Taifa

Katika ujenzi wa shule hiyo ya kisasa ya Sekondari Biriri ujenzi umetumia shilingi Milioni 470 fedha kutoka Serikali ya awamu ya Sita kwa ajili ya ujenzi wa madarasa 8,chumba cha Kompyuta,jengo la utawala,Maktaba moja,Maabara ya masomo ya Kemia,Fizikia,Biolojia,Jiografia na "Domestic Science:"