Utumishi na Utawala

IDARA YA UTAWALA NA RASILIMALI WATU

Utangulizi

Idara ya utawala na utumishi ina jukumu la kuhakikisha kuwa sheria, taratibu na kanuni zote za kiutumishi zinafuatwa ili kuweza kudumisha utawala bora na utoaji huduma nzuri kwa jamii ya Siha.

Kiutawala halmashauri ya siha inaongozwa na Mkurugenzi Mtendaji. Katika ngazi ya kata anayesimamia majukumu yote ya kata ni Afisa mtendaji kata hivyo ana jukumu la kusimamia ulinzi, amani na usalama katika kata pamoja na shughuli zote za kiutawala ndani ya kata. Katika ngazi ya vijiji, mwenye jukumu la kusimamia amani na ulinzi katika kijiji ni Mtendaji wa kijiji pamoja na shughuli zote za kiutawala ndani ya kijiji.

Huduma zinazotolewa na Idara

Ø Kazi kubwa katika idara ya utawala na utumishi ni kusimamia shughuli zote za kiutawala ndani ya Halmashauri mfano kuhakikisha vikao vyote vya kisheria kuanzia ngazi ya kijiji mpaka halmashauri vinafanyika kwa wakati kwa kufuata kanuni na taratibu za vikao.

Ø Kutoa ushauri kwa Mkurugenzi Mtendaji kuhusu maswala ya kiutawala

Ø Kuhakikisha haki na stahiki zote za watumishi zinapatikana mfano watumishi wanapata mishahara yao kwa wakati, likizo kwa watumishi na haki zote za mtumishi mahalapa kazi.

Ø Kutafsiri sera, sheria na kanuni pamoja na miundo zinazohusu watumishi na kuratibu utekelezaji wake.

Kuhakisha kuna mahusiano mazuri pamoja na ushirikiano kati ya mtumishi na mtumishi mahala pakazi.

Kuhakikisha watumishi wote ambao muda wao umefikia ukomo kwa sababu mbali mbali wanaondolewa katika payroll kupitia mfumo wa LAWSON.

Kusimamia masuala ya nidhamu kwa watumishi wote kwa kushirikiana na Wakuu wa Idara.

Ø Kuhakikisha halmashauri inakuwa na watumishi wa kutosha kulingana na ikama ya kila idara, pia inasimamia mpango mzima wa mafunzo kwa watumishi wa Halmashauri.

Ø Kusimamia swala zima la watumishi kuwa wanathibitishwa na kupandishwa vyeo kwa wakati.

Ø Kusimamia mali za halmashauri na kuhakikisha zinatumika vizuri mfano magari, ofisi na mitambo.

Ø Kuandaa bajeti na makisio ya mishahara kwa watumishi wa wilaya Siha

Ø Pia kuhakikisha watumishi wanafanya kazi katika mazingira mazuri ya kazi na kuwapatia vitendea kazi vinavyohitajika na vitumike vizuri pamoja na kuhifadhiwa vizuri ili kudumisha huduma nzuri kwa wateja .

Ø Kuratibu shughuli za upimaji wa utendaji kazi wa watumishi wa halmashauri kwa kutumia mfumo wa wazi na kupitia na kupima utendaji wa watumishi (OPRAS).

Mafanikio

Ø Idara imefanya juhudi za kuhakisha watumishi wanaongeza ufanisi katika utendaji kazi kwa kuwapatia mafunzo ya ndani na ya nje ya ofisi

Ø Halmashauri imefanikiwa kuongeza watumishi kwa kadri serikali ilivyotupangia pia kulingana na mahitaji ya watumishi kwa mwaka husika.