WILAYA YA SIHA NI SALAMA - DKT TIMBUKA

Posted on: March 15th, 2024

Mkuu wa Wilaya ya Siha Mhe. Dkt Christopher Timbuka ameihakikishia Wajumbe ya Jumuiya ya Tawala za Mitaa Tanzania (ALAT) Mkoa wa Kilimanjaro kuwa Wilaya ni salama na wananchi wanaendelea kutekeleza shughuli za maendeleo.

Wakati akifungua kikao cha kamati ya Jumuiya ya Tawala za Mitaa Tanzania (ALAT) Mkoa wa Kilimanjaro kilichofanyika leo machi 15, 2024 katika ukumbi wa mikutano wa makao makuu ya Halmashauri ya Wilaya ya Siha, Mhe. Dkt Timbuka amesema uwepo wa hali ya usalama ndani ya wilaya umesaidia kutekeleza kwa ufanisi miradi ya maendeleo katika sekta ya elimu, afya, miundombinu, mazingira na uwekezaji ambayo imeboresha utoaji wa huduma kwa wananchi.

amewaasa wajumbe wa Jumuiya ya Tawala za Mitaa Tanzania (ALAT) ambao ni wawakilishi wa wananchi kuendelea kuwasemea wananchi na kusimamia shughuli za mbalimbali za maendeleo katika maeneo yao ili kuendelea kuboresha huduma zinazotolewa kwa wananchi.

"Mimi naamini kabisa kwamba mtaendelea kuzipatia ufumbuzi changamoto mbalimbali na nyingine mtaziwasilisha ALAT Taifa na Bungeni ili ziweze kupata uwakilishi" amesema Mhe Dkt Timbuka

"Jingine kubwa ninalowasihi, ni waheshimiwa wajumbe wa ALAT Mkoa kama Waheshimiwa Madiwani tujenge umoja na mshikamano kati yetu na wananchi, na tuendelee kufanya siasa safi na salama kwa kuwambia ukweli wananchi ili itusaidie na sisi tufanye shughuli zetu za maendeleo bila mwingiliano" ameongeza Mhe. Dkt Christopher Timbuka Mkuu wa Wilaya ya Siha.

Mkuu wa Wilaya ya Siha Mhe. Dkt Christopher Timbuka akiwa kwenye picha ya pamoja na Mwenyekiti wa Jumuiya ya Tawala za Mitaa Tanzania Mkoa wa Kilimanjaro Mhe Salehe Mkwizu (kulia) na Katibu wa Jumuiya Jumuiya ya Tawala za Mitaa Tanzania Mkoa wa Kilimanjaro Shadrack Mhagama (kushoto) baada ya kufungua baada ya kufungua kikao cha Jumuiya hiyo kilichofanyika Machi 15, 2024 katika ukumbi wa mikutano wa makao makuu ya Halmashauri ya Wilaya ya Siha.