WILAYA YA SIHA INA FURSA NYINGI ZA UWEKEZAJI – MHE DUNCAN

Posted on: March 15th, 2024

Mwenyekiti wa Halmashauri ya Wilaya ya Siha Mhe Duncan Urassa amesema Wilaya ya Siha inazo fursa nyingi za uwekezaji ambazo zitaiwezesha kuongoza katika Mkoa wa Kilimanjaro katika miaka michache ijayo.

Akitoa neon la ukaribisho katika kikao cha wajumbe wa kamati ya Jumuiya ya Tawala za Mitaa Tanzania (ALAT) Mkoa wa Kilimanjaro leo Machi 15, 2024 kilichofanyika katika ukumbi wa mikutano wa makao makuu ya Halmashauri ya Wilaya ya Siha, Mhe Duncan Urassa amesema Wilaya imeweka mikakati itakayowezesha kuungana na Wilaya zote jirani hali itakayowezesha kuboresha shughuli za usafirishaji na utalii.

“Siku za nyuma Wilaya ya Siha ilikuwa change kuzidi Wilaya zote za Mkoa wa Kilimanjaro, lakini kwa mikakati tuliyoweka inaenda kuwa bora kwenye Mkoa, kwa sababu ina fursa nyingi za uwekezaji, na itaunganisha sehemu nyingi za Mkoa wa Kilimanjaro na nchi jirani ya Kenya” amesema Mhe Urassa.

“Na kwa maboresho ambayo serikali inafanya, Wilaya ya Siha inaenda kuwa sehemu rahisi zaidi ya kuupanda mlima Kilimanjaro na kwa wale watakaotaka kuuzunguka mlima kwa urahisi unapitia huku kuelekea Wilaya jirani ya Rombo” ameongoza Mhe Duncan Urassa, Mwenyekiti wa Halmashauri ya Wilaya ya Siha.