Wananchi Siha wahimizwa kutunza Chakula

Posted on: August 12th, 2022

Wananchi Katika Halmashauri ya Wilaya ya Siha Mkoa wa Kilimanjaro  wametakiwa kutumia vema chakula kitakachopatikana katika mavuno ya msimu wa mwaka huu 2022 kutokana na kupungua kwa mvua za masika.

Waheshimiwa Madiwani H/W Siha wakisikiliza taarifa ya Mwenyekiti wa Halmashauri 

Kauli hiyo imetolewa leo tarehe 12.8.2022 na Mhe. Duncan Urassa Mwenyekiti wa Halmashauri ya Wilaya ya Siha alipokuwa akiwasilisha taarifa yake katika Baraza la Waheshimiwa Madiwani Katika ukumbi wa mikutano wa Halmashauri ya Siha.

Katika taarifa yake ya kipindi cha robo ya nne ya mwaka wa fedha 2021/2022 Mhe. Duncan ameeleza kuwa Katika Halmashauri ya Siha mvua zimenyesha chache na hivyo kuanza kuonesha dalili mbaya kwa siku za usoni kuhusu upatikanaji wa chakula kwa baadhi ya maeneo.

Napenda kuwahimiza Wah. Madiwani pamoja na Watendaji wa  Kata na Vijiji kuendelea kuwapatia elimu ya kutosha wananchi na wakazi wa Wilaya ya Siha kutumia chakula kitakachopatikana kwa matumizi sahihi ili kuepusha familia na jamii yetu kupata uhaba wa chakula kwa siku za baadaye alisema na kuongeza Duncan Urassa.

Wilaya ya Siha Mkoa wa Kilimanjaro inajumla ya Tarafa 5,Kata 17,Vijiji 60 na Vitongoji 69 yenye jumla ya  wananchi 116,813 kwa mujibu wa sensa ya watu na makazi ya mwaka 2012.