Wanafunzi darasa la Saba Wilayani Siha wapewa Wosia

Posted on: October 5th, 2020

Mkurugenzi Mtendaji wa Halmashauri ya Siha ndugu Ndaki Mhuli ametoa neno la wosia kwa wanafunzi wote wa darasa la saba wanaomaliza elimu ya msingi mwaka 2020 Wilayani Siha

Hayo  ameyasema  hivi karibuni alipokuwa katika zoezi  la kawaida la  ukaguzi wa vituo vya mtihani huo anaotarajiwa kufanyika siku ya jumatano na Alhamis  tarehe 7/10/2020 na tarehe 8/10/2020. Mkurugenzi Mtendaji ameeleza kuwa maandalizi ya kufanyika kwa mtihani huo yamekamilika kwa asilimia 100 

"Napenda kuwasihi watoto wangu wa Wilaya ya Siha kujiamini na kufanya mtihani wa Taifa kwa matumaini makubwa kwani walimu wamenihakikishia kuwa  mambo yote yanayohitajika yamefundishwa tena vizuri na kwa usahihi" alisema na kuongeza Mhuli

Jumla ya wanafunzi 2357,wakiwemo wasichana 1230 na wavulana 1127 wanatarajiwa kumaliza elimu ya msingi katika shule 59 Wilaya ya Siha,kati ya shule hizo 53 ni za Serikali na shule 6 zinamilikiwa na mashirika ya dini na watu binafsi