Wanafunzi 543 Watarajiwa kufanya Mtihani wa Kidato cha 6 Wilayani Siha 2023

Posted on: May 1st, 2023

Jumla ya Watahiniwa 543 wanatarajiwa kufanya Mtihani wa Kidato cha Sita katika shule za Sekondari Wilaya ya Siha Mkoa wa Kilimanjaro kuanzia leo siku ya jumanne tarehe 2/5/2023.

Mkurugenzi Mtendaji Halmashauri ya Siha Ndugu  Pendo Mangali amesema kuwa Maandalizi yote ya kufanyika kwa mtihani huo yamekamilika.

Ameeleza kuwa Mtihani wa Kidato cha Sita katika Wilaya ya Siha kwa mwaka 2023 utafanyika katika vituo vinane ambavyo ni  -:    Sanya   Juu, Namwai, Oshara, Magadini, Faraja Siha, Magnificat, Nuru na Visitation ambapo kati ya watahiniwa 543 wavulana ni 140 na wasichana ni 403.

Afisa Elimu Sekondari Halmashauri ya Wilaya ya Siha Mwalimu Naomi Swai amesema kuwa watahiniwa wote wameandaliwa vema katika kipindi cha miaka miwili walichokuwa masomoni.