Wakulima na Wafugaji Wilayani Siha Watakiwa kuzingatia sheria

Posted on: April 7th, 2023

Mkuu wa Wilaya ya Siha mhe.Christopher Timbuka awataka Wakulima na Wafugaji katika Wilaya ya Siha kuheshimiana na kuzingatia sheria za Nchi zilizopo ili kuepuka mkono wa Sheria.

Kauli hiyo ameitoa tarehe 6 April,2023 katika Kata ya Ndumeti alipofanya Mkutano na Wakulima na Wafugaji wa Kata hiyo kwa lengo la kuwakumbusha wajibu wao Kwa Kila kundi ili wasiingiliane katika shughuli zao za Kiuchumi Kila siku.

Amewataka Wafugaji kutoingiza Mifugo yao katika mashamba ya Wakulima na Wawezekezaji waliopo katika eneo la West Kilimanjaro kwani Kila Mtanzania ana haki sawa ya kufanya shughuli halali bila kusumbuliwa na mtu yeyote ili mradi tu havunji sheria.

Akitoa salamu za Kata hiyo Diwani wa Kata ya Ndumeti Mhe.Vicent Kileo amesema kuwa ni kweli kuwa Wafugaji wa Kijiji Cha Roseline Wamekuwa wakilalamikiwa na Wakulima kuwa wanalisha Mifugo katika mazao ya wakulima.

"Naomba sana ndugu zangu Wakulima na  Wafugaji tuheshimu Mali za watu wengine ila nami pia napinga mtu yeyote kujichukulia hatua mkononi kwani ni kinyume Cha sheria za Nchi" alisema Vicent Kileo.