Viongozi wa Wafanya biashara Vibanda vya Halmashauri stendi ya KIA wakutana na DED SIHA

Posted on: February 18th, 2022

Mkurugenzi Mtendaji wa Halmashauri ya Wilaya ya Siha ndugu Upendo Mangali leo ijumaa tarehe 18 Februari 2022 amefanya kikao cha pamoja na viongozi wa wafanyabiashara katika vibanda vinavyomilikiwa na Halmashauri ya Wilaya ya Siha vilivyopo katika stendi ya Mabasi KIA.

Kikao hicho kimefanyika katika ofisi ya Mkurugenzi Mtendaji iliyopo eneo maarufu la Dachi Kona,ambapo lengo la kikao hicho ni kuboresha mahusiano nakuweka mikakati ya kunufaisha pande zote mbili.

Halmashauri ya Wilaya ya Siha inamiliki jumla ya vibanda 98 katika kituo cha mabasi KIA ambapo Halmashauri ilianza kuvitoa vibanda hivi kwa mikataba kwa wafanyabiashara mbalimbali mwezi Novemba 2018 kwa gharama ya kukodisha kwa wapangaji shilingi elfu 40 tu kwa mwezi mmoja. 

Katika kikao hicho Mkurugenzi Mtendaji wa Halmashauri ya Wilaya ya Siha amewataka wananchi waliokodisha vibanda na wanaofanya biashara katika vibanda hivyo kulipa malipo ya kodi ya pango kwa wakati kwani Halmashauri ya Siha inahitaji fedha hizo kwa ajili ya kuendelea kutoa huduma muhimu kwa jamii ya WanaSiha na Watanzania kwa ujumla.