Utekelezaji wa Waraka wa Elimu Wilayani Siha

Posted on: March 7th, 2023

Mthibiti Mkuu Ubora  wa  Shule katika  Halmashauri ya  Wilaya ya Siha Mkoa wa Kilimanjaro Mwalimu Robert Assey leo Jumanne tarehe 7.03.2023  amefanya  Kikao  na Walimu Wakuu wa Shule za Msingi Wilayani Siha zinazomilikiwa na Taasisi za Dini na Watu Binafsi.

Lengo la kikao kazi hicho ni kuwapa ufafanuzi zaidi kuhusu Waraka wa  Elimu Na 1,2, NA 3 uliotolewa hivi karibuni kuhusu usimamizi wa Elimu ya awali na Msingi hapa Nchini.

 Aliwaeleza kuwa Waraka unakataza watoto wa kuanzia awali hadi darasa la Nne hawaruhusiwi kulala bweni (shuleni) badala yake wanatakiwa kwenda na kurudi Nyumbani Kila siku ili wapate Malezi mema kwa wazazi au walezi.

Kikao kazi kimefanyika katika Ofisi  za Uthibiti Ubora  wa Shule katika Halmashauri ya Wilaya ya Siha Mkoa wa Kilimanjaro na jumla ya Walimu na Wasimamizi wa Shule za Msingi 13 wamehudhuria.