TASAF III awamu ya Pili kuzinduliwa rasmi Siha tarehe 06 Oktoba 2021

Posted on: October 1st, 2021

Mpango wa kunusuru Kaya Maskini (TASAF III awamu ya pili ) unatarajiwa kuzinduliwa rasmi Wilayani Siha Mkoa wa Kilimanjaro  siku ya jumatano tarehe 06 oktoba 2021.

Mratibu wa TASAF katika Halmashauri ya Siha ndugu  David Kijo amesema kuwa mpango huo wa kunusuru Kaya Maskini awamu ya tatu   utazinduliwa katika Wilaya yetu ya Siha tarehe 06 oktoba 2021 na mgeni rasmi anatarajiwa kuwa Mhe Thomas Apson  Mkuu wa Wilaya ya Siha.

Ameeleza kuwa katika mpango wa TASAF III awamu ya pili utakaozinduliwa wiki ijayo mpango huu  utajumuisha vijiji vyote 60 katika Wilaya ya Siha tofauti na mpango uliomalizika ambapo vijiji 24 pekee ndivyo vilinufaika.

Ndugu David Kijo amesema kuwa uzinduzi wa TASAF III awamu ya pili utafanyika kiwilaya katika ukumbi wa mikutano wa Kanisa Katoliki Sanya Juu kuanzia muda wa saa 3 kamili asubuhhi ambapo waheshimiwa Madiwani wote wamealikwa.

aidha katika uzinduzi huo wakuu wa idara na vitengo Halmashhauri ya Siha watakuwepo, Pia maofisa Tarafa wote na Watendaji wa Kata wote wamealikwa siku hiyo.

Halmashauri ya Wilaya ya Siha mkoa wa Kilimanjaro  inajumla ya Tarafa 5,Kata 17 ,Vijiji 60 na Vitongoji 169