Siha yajipanga kutokomeza ukeketaji Wanawake

Posted on: January 29th, 2024

Wilaya ya Siha yajipanga kutokomeza Ukeketaji

Wilaya ya Siha mkoa wa Kilimanjaro imeweka mkakati wa kutokomeza masuala ya ukeketaji wa Wanawake unaoendelea kutokana na jamii kukosa elimu sahihi kuhusiana na umuhimu wa kuachana na mila hiyo potofu.

Kauli hiyo imetolewa na Mkurugenzi Mtendaji wa Halmashauri ya Siha Dkt. Haji Mnasi Makao makuu ya Halmashauri ya Siha leo 29 Januari,2024 wakati wa uzinduzi wa mradi wa mwaka mmoja wa kupinga masuala ya ukatili wa Kijinsia na ukeketaji wa Wanawake unaofadhiliwa na NAFGEM Tanzania.

Napenda kuwashukuru sana wadau kutoa shirika lisilo la Kiserikali NAFGEM kwa kuunga mkono juhudi za Serikali za kupambana na aina zozote za ukatili katika jamii pamoja na kutoa elimu kwa jamii kuondokana na mila potofu za ukeketaji wa Wanawake alisema na kuongeza Dkt. Haji Mnasi.

Awali alitoa maelezo ya mradi,Afisa Tathmini na ufuatiliaji wa NAFGEM Tanzania Bi Upendo Mlengu alieleza kuwa mradi utatekelezwa katika Wilaya ya Siha katika Kata moja ya Olkolili kwa muda wa mwaka mmoja kama sehemu ya majaribio kabla ya kupanuka katika maeneo mengine.

Bi Upendo Mlengu ameeleza kuwa utekelezaji wa mradi utategemea sana ushirkiano kati ya watekelezaji wa mradi shirika la NAFGEM pamoja na wenye mradi Halmashauri ya Wilaya ya Siha mkoani Kilimanjaro.