SIHA YAANZA KUKABIDHI MADARASA MAPYA 32 NA OFISI 16 ZA WALIMU

Posted on: December 28th, 2021

Halmashauri ya Wilaya ya Siha mkoa wa Kilimanjaro imetii agizo la Serikali ya awamu ya Sita kwa kuanza kukabidhi vyumba vya madarasa 32 na ofisi za walimu 16 zilizojengwa na fedha za mradi wa mapambano dhidi ya ugonjwa wa uviko 19.

Mkuu wa Wilaya ya Siha mhe. Thomas Apson akikagua miundombinu iliyokamilika ya ujenzi wa darasa moja na ofisi ya walimu katika shule ya sekondari Magadini tarehe 28.12.2021

Zoezi la makabidhiano ya ujenzi wa vyumba vya madarasa 3 na ofisi 2 za walimu limefanywa kuanzia  tarehe 28 Disemba 2021 na Halmashauri ya Wilaya ya  Siha kwa mkurugenzi Mtendaji pamoja na Mwenyekiti wa Halmashauri kumkabidhi  madarasa hayo mhe. Thomas Apson Mkuu wa Wilaya ya Siha.

Mkurugenzi Mtendaji H/W Siha ndugu Pendo Mangali(kushoto) akiwa na mkuu wa Wilaya ya Siha mhe. Thomas Apson (kulia) wakiwa katika darasa lililokabidhiwa jana  la shule ya sekondari Magadini 

Wakati wa kukabidhi madarasa hayo,mkurugenzi Mtendaji Halmashauri ya Siha alieleza kuwa Halmashauri ya Wilaya ya Siha ilipokea jumla ya shilingi milioni 640 kutoka Serikali ya awamu ya Sita kwa ajili ya ujenzi wa madarasa 32 yakiwemo 18 ya shule za sekondari na 14 shule za msingi. 

madarasa 2  ya shule shikizi ya msingi kijiji cha Ndinyika yaliyokabidhiwa jana 

Sisi kama Halmashauri tumejiongeza na tumefanikiwa kujenga madarasa 32 ,kuweka madawati kwa kila chumba pamoja na kujenga ofisi 16 za walimu katika shule zote zilizopatiwa fedha za ujenzi wa madarasa chini ya mpango wa ustawi wa jamii na mapambano dhidi ya uviko 19 alisema Pendo Mangali Mkurugenzi Halmashauri ya Siha.

chumba kimoja cha darasa na ofisi ya walimu shule ya sekondari Magadini

Mkuu wa Wilaya ya Siha mhe. Thomas Apson  mapema tarehe 28.12.2021 amepokea madarasa mawili  na ofisi moja ya walimu katika  shule shikizi ya msingi kijiji cha Namayani pamoja na chumba kimoja cha darasa na ofisi ya walimu katika shule ya sekondari Magadini.