Shule Mpya ya Msingi yazinduliwa Siha tarehe 28.10.2017

Posted on: October 28th, 2017

Shule Mpya ya Msingi Arise imezinduliwa rasmi katika Wilayà ya Siha tarehe 28.10.2017.

Uzinduzi wa Shule hiyo umefanywa na mgeni Rasmi wa shughuli hiyo Valerian Juwal mkurugenzi Mtendaji wa Halmashauri ya Wilaya ya siha, 

Awali kabla ya kumkaribisha mgeni Rasmi kufanya uzinduzi mkurugenzi wa Shule hiyo  inayomilikiwa na Mtu binafsi ndugu Frank Mrangu alishukuru na kuupongeza uongozi wa Halmashauri ya Siha hasa mkurugenzi Mtendaji Kwa jinsi alivyosaidia kufanikisha kuwezesha kufanikiwa Kwa usajili wa Shule hiyo.

Alieleza kuwa Kazi haikuwa rahisi Sana kwani vigezo vilivyotakiwa vilikuwa ni  vingi Sana lakini Kwa uwezo wa Mungu wamevitimiza na hatimaye kupata usajili kamili alieleza Frank.

Akitoa neno katika hotuba yake mgeni Rasmi mkurugenzi Mtendaji wa Halmashauri ya Siha Valerian Juwal alimtaka mmiliki wa Shule hiyo kuendesha Shule Kwa kuzimgatia maadili ya kitanzania na kuzingatia mambo yote yaliyoainishwa katika usajili wa Shule hiyo.

Alieleza kuwa Halmashauri ya Wilaya ya Siha bado itaendelea kufuatilia uendeshaji wa Shule hiyo pamoja na Shule nyingine Wilayani Siha Kwa lengo moja tu la kusimamia uboreshaji wa taaluma na taratibu zote zilizotolewa na wizara ya Elimu Tanzania.

Shule ya Arise IPO katika Kata ya Gararagua,Kijiji cha Wiri Barabara inayoelekea makao makuu ya Halmashauri ya Wilaya ya Siha.