SERIKALI YABORESHA IDARA YA UDHIBITI UBORA WA SHULE -SIHA

Posted on: October 1st, 2020

Serikali ya awamu ya tano imetoa milioni 181 kwa ajili ya ujenzi wa ofisi ya kisasa ya ukaguzi wa shule za msingi na Sekondari katika Halmashauri ya Siha 

Mdhibiti ubora wa shule Wilaya ya Siha ndugu  Robert Assey amesema hayo leo tar 1.10.2020 alipokuwa akisimamia ujenzi wa ofisi mpya ya  Udhibiti ubora wa shule inayojengwa karibu na makao makuu ya Halmashauri ya Siha.

Ameeleza kuwa kukamilika kwa ujenzi wa  ofisi hiyo kutasaidia kuongeza ufanisi wa kazi kwa wataalam waliopo  na kuongeza ufaulu wa shule za msingi na Sekondari Wilaya ya Siha

"Tunaishukuru Sana Serikali ya awamu ya tano chini ya uongozi shupavu wa Rais John Pombe Magufuli kwa kuboresha sekta ya elimu " alisema ndugu Assey

Ujenzi wa ofisi hiyo ya udhibiti Ubora wa shule Wilayani Siha unatarajiwa kukamilika mwisho wa mwezi Novemba ,2020