Rais Samia azidi Kupongezwa na Wananchi Kata ya Ivaeny Siha Kilimanjaro

Posted on: April 5th, 2023

Serikali ya awu ya Sita ya Jamhuri ya Muungano wa Tanzania imeleta maendelea makubwa katika Kata ya Ivaeny Wilayani Siha Mkoa wa Kilimanjaro.

Kauli hiyo imetolewa na mhe.Elinisaa Kileo Diwani wa Kata ya Ivaeny tarehe 5 April,2023  kwa niaba ya Wananchi ya Wananchi wa Kata hiyo.

Amesema kuwa tangu Tanzania ipate Uhuru kata hiyo haijapata miradi mikubwa kama wakati huu wa uongozi wa Rais Samia Suluhu Hassan.

"Rais wetu ametujengea shule mpya ya msingi Kishisha ambayo shule ilikuwa imechakaa mno na shule ilijengwa mwaka 1956 wakati wa ukoloni na haijawahi kukarabatiwa Hadi wakati huu wa uongozi wa Rais Samia ambapo ameamua kuijenga upya shule hii" alisema mhe.Elinisaa Kileo.

Alisema pia kuwa Serikali imetoa shilingi milioni 60 ujenzi wa nyumba ya Walimu Shule ya Sekondari Kishisha na imetoa shilingi milioni 105 za ujenzi wa madarasa 5 shule ya Msingi Kishisha ikiwa shilingi milioni 45 za Mapato ya ndani ya Halmashauri na milioni 60 kutoka Serikali Kuu.