Nyongeza ya Mshahara ilivyowakosha watumishi wa Afya Halmashauri ya Wilaya ya Siha-Kilimanjaro

Posted on: August 27th, 2022

NYONGEZA YA MSHAHARA ILIVYOWAKOSHA WATUMISHI WA AFYA SIHA

Watumishi wa afya katika Halmashauri ya Wilaya ya Siha mkoa wa Kilimanjaro wamempongeza Rais Samia Suluhu Hassan kwa kuboresha mishahara na mazingira ya kazini

Wakiongea katika nyakati tofauti watumishi hao wametoa ya moyoni kwa jinsi nyongeza ya mshahara ya asilimia 23.3 ilivyowasaidia kuboresha maisha yao pamoja na familia zao na zaidi kuongeza hari ya kufanya kazi bila kuchoka

Laurensia Minza Mfamasia wa Hospital ya Wilaya ya Siha Mkoa wa Kilimanjaro alisema kuwa “Namshukuru sana Mama na Rais wetu mhe. Samia Suluhu Hassan kwa nyongeza ya mshahara asilimia 23.3 na kutupandishia madaraja kitu ambacho kilikuwa hakijafanyika kwa watumishi wa umma kwa muda mrefu”

Dkt. Laurensia Minza Mfamasia Hospital ya Wilaya ya Siha mkoa wa Kilimanjaro

Aliongeza kuwa maisha yetu kwa sasa yamebadilika na kuwa mazuri kwani tunafanya kazi kwa furaha na amani na kiukweli hatuna mawazo,Rais wetu tunamshukuru mno na mama yetu ikikupendeza tena uendelee kutuongezea maslahi yetu alisema Laurensia Minza.

Naye Venance Matonya ambaye ni Muuguzi katika Hospital ya Wilaya ya Siha Mkoa wa Kilimanjaro ametoa ya moyoni kwa kuonesha furaha yake kwa nyongeza ya mshahara iliyotolewa na Rais Samia Suluhu Hassan Rais wa Jamhuri ya Muungano wa Tanzania.

Venance Matonya Muuguzi katika Hospital ya Wilaya ya Siha-Kilimanjaro

“Nyongeza ya mshahara tuliyoipata watumishi wa umma kutoka kwa Rais Samia imenisaidia kukidhi mahitaji yangu  binafsi pamoja na  familia yangu kwani kabla ya nyongeza hii ya mshahara maisha yalikuwa magumu” alisema Muuguzi Venance Matonya.

Aliendelea kusema kuwa Kweli Rais wetu na Mama yetu nakuombea kwa Mungu uendelee kuwa Kiongozi wetu wa Nchi ya Tanzania kwa miaka mingine mingi ili usaidie Watumishi wa umma na  Watanzania kupata  maendeleo zaidi.

Kwa upande mwingine Joseph Temba ambaye ni  Mtabibu Mwandamizi wa Hospital ya Wilaya ya Siha Mkoa wa Kilimanjaro amesema kuwa Rais Samia Suluhu Hassan mbali na nyongeza ya mishahara kwa watumishi pia ametoa ajira mpya kwa watumishi wa umma jambo ambalo limesaidia kutupunguzia kazi kubwa ya daktari mmoja kuwahudumia wagonjwa wengi kwa wakati mmoja.

Joseph Temba Mtabibu Mwandamizi Hospital ya Wilaya ya Siha

“Ni ukweli usipingika kuwa kabla ya ajira mpya kutolewa mimi pamoja na watumishi wenzangu wa afya katika Hospital ya Wilaya ya Siha tulikuwa tunachoka sana kwa kufanya kazi ya kuwahudumia idadi kubwa ya wagonjwa kwa siku mara nyingine nje ya uwezo wetu” alisema Mtabibu Mwandamizi Joseph Temba.

 Hospital ya Wilaya ya Siha mkoa wa Kilimanjaro inayo Historia kubwa kwani Jiwe na Msingi la ujenzi wa Hospital hii liliwekwa na Rais Samia Suluhu Hassan tarehe 13 Novemba,2018 wakati huo akiwa Makamu wa Rais wa Jamhuri ya Muungano wa Tanzania