Milioni 5.1 Mapato ya Halmashauri zaleta ukombozi

Posted on: July 10th, 2023

Milioni 5.1 za Mapato ya Ndani zawanufaisha Wanafunzi Msingi na Sekondari

Mwenyekiti wa Halmashauri ya Wilaya ya Siha Mhe. Duncan Urassa  leo tarehe 10 Julai,2023 amekabidhi sare za Wanafunzi 83 wa shule za Msingi na Sekondari zenye thamani ya jumla ya shilingi  milioni 5.1 fedha zilizotokana na  mapato ya ndani ya Halmashauri ya Wilaya ya Siha

Makabidhiano hayo ameyafanya leo akiwa katika  shule ya msingi Magadini kwa niaba ya Baraza la Madiwani Halmashauri ya Wilaya ya Siha ambapo wanafunzi waliopatiwa sare za shule ni wanafunzi 60 wa shule  za Msingi na wanafunzi  23 wa Sekondari.

”Leo nimefurahi sana kwa Halmashauri kutimiza lengo lake la kuwapatia sare za shule wanafunzi 83 wa shule za msingi na sekondari kutoka maeneo mbalimbali ya Halmashauri ya Wilaya ya Siha hususani wanafunzi wenye uhitaji mkubwa katika jamii” alisema na kuongeza Mhe. Duncan  Urassa.

Amesema Halmashauri ya Wilaya ya Siha katika mwaka wa fedha 2023/2024 imejipanga kukusanya mapato  ya ndani zaidi  ili kuongeza wigo wa fedha itakayosaidia kuwasaidia watoto zaidi ya 300 wanaoishi katika mazingira hatarishi katika maeneo mbalimbali ya Wilaya yetu.

Wanafunzi waliopatiwa sare za shule imejumuisha viatu,mashati/blauzi,suruali/sketi,soksi jozi mbili pamoja na masweta ambapo katika zoezi la ugawaji was are hizo Mwenyekiti wa Halmashauri aliambatana na wajumbe wa kamati ya kudhibiti ukimwi katika Halmashauri ya Wilaya ya Siha