Miaka 60 ya Uhuru na Mafanikio ya Wilaya ya Siha

Posted on: December 8th, 2021

Maadhimisho ya miaka 60 ya Uhuru na  59 ya Jamhuri yafanyika Kimkoa  katika Wilaya ya Siha na kuonekana kufana sana ambapo wananchi na wakazi wa Wilaya ya Siha wameweza kuhudhuria kwa wingi katika uwanja wa CCM Sanya Juu ambapo maadhimisho haya yamefanyika.

Wah,Madiwani wa Halmashauri ya Siha wakiwa katika maadhimisho ya miaka 60 ya uhuru na 59 ya Jamhuri

Katika taarifa fupi iliyotolewa na Mkuu wa Wilaya ya Siha kabla ya kumkaribisha mkuu wa Mkoa wa Kilimanjaro ambaye alikuwa mgeni rasmi wa maadhimisho hayo,Mkuu wa Wilaya ya Siha mhe. Thomas Apson alieleza kuwa mwaka 1961 Wilaya ya Siha ikiwa katika sehemu ya Wilaya ya Hai ilikuwa na shule moja tu ya Siha middle school na hadi mwaka 2021 Wilaya ya Siha inajumla ya shule 68 za Msingi na shule 21 za Sekondari.

Mzee Alfred Mworobo akitoa Historia ya Tanzania Tangu mwaka 1961

Kwa upande wa huduma za afya Wilaya ya Siha mwaka 1961 ilikuwa inakituo kimoja tu cha huduma za afya ambapo kwa sasa ni Hospital ya Taifa ya magonjwa ambukizi  Kibongoto, leo mwaka 2021 Wilaya ina Hospital 3,Vituo vya afya 5 na Zahanati 18 zinazosaidia kuboresha utoaji wa huduma za afya kwa jamii.

Mgeni rasmi Mhe. Stephen Kagaigai Mkuu wa Mkoa wa Kilimanjaro akitoa hotuba yake alitoa pongezi nyingi kwa uongozi wa Wilaya ya Siha kwa maandalizi mazuri ya miaka 60 ya Uhuru na 59 ya Jamhuri Kimkoa yaliyofanyika Wilayani Siha.