Mafunzo ya mgambo yazinduliwa Tarafa ya Siha Magharibi

Posted on: August 27th, 2017

Mkuu wa Wilaya ya Siha mhe Onesmo Buswelu amefungua rasmi mafunzo ya Jeshi la mgambo maarufu jeshi la akiba,zoezi la ufunguzi limefanyika tarehe 25.08.2017 katika Tarafa ya siha magharibi kijiji cha Ngarenairobi

Kabla ya kufungua mafunzo hayo mkuu huyo wa Wilaya ya Siha aliwashukuru viongozi wa Vijiji na Kata kwa kuhamasisha vijana wengi kujiunga na mafunzo hayo ambayo alisema itasaidia vijana kupata elimu ya uzalendo na uadilifu kwa Nchi yao.

Mhe. Onesmo Buswelu aliwataka vijana wanaoshiriki mafunzo hayo kusikiliza kwa makini yale yote wanayoambiwa na walimu wao kwa lengo la kupata kilichokusudiwa.

Mkuu wa Wilaya ya Siha alitoa wito kwa vijana wanaoshiriki mafunzo hayo kuhakikisha wanasaidia katika kupambana na uhalifu na ulinzi wa amani katika maeneo ya kata na vijiji wanavyotoka na hatimaye wilaya na Taifa kwa ujumla.

Awali akitoa taarifa ya mafunzo hayo,Ofisa Tarafa wa Siha Magharibi alimweleza Mkuu wa Wilaya ya Siha kuwa zaidi ya vijana 420 wanashiriki mafunzo hayo wakiwemo wanawake 40 na wanaume 380 huku akitaja lengo lilikuwa kuwa na wanafunzi zaidi ya 600