Maendeleo ya Kata ya Gararagua miaka 2 ya Rais Samia

Posted on: April 11th, 2023

Kata ya Gararagua Wilaya ya Siha Mkoa wa Kilimanjaro imepata maendeleo Makubwa katika Miaka Miwili ya Uongozi wa Mhe.Dkt. Samia Suluhu Hassan Rais wa Jamhuri ya Muungano wa Tanzania.

Kauli hiyo imetolewa hivi karibuni na Mhe.Zacharia Lukumay Diwani wa Kata ya Gararagua Kwa niaba ya Wananchi wa Kata hiyo.

Ameeleza kuwa tangu Nchi imepata Uhuru Kata hiyo haijawahi kupokea fedha nyingi za maendeleo kama kipindi Cha Rais Samia ambapo Kata imepokea zaidi ya shilingi Bilioni mbili Kwa ajili ya miradi ya Barabara ya lami Kwa DC Hadi Magadini, ujenzi wa Shule mpya ya Msingi Neema,Ujenzi wa Madarasa na Maabara Magadini Sekondari pamoja na miradi ya Afya,Maji na fedha za mradi wa Wanufaika wa  TASAF.

"Napenda kumpongeza Mbunge wetu wa Jimbo la Siha kwa kutupambania WanaSiha na kweli tumepata maendeleo Makubwa" alisema Mhe.Zacharia Lukumay