Madiwani Siha wapitisha Bajeti ya Tshs. Bil. 23.5 mwaka 2019.2020

Posted on: February 13th, 2019

Baraza la Madiwani katika Halmashauri ya Wilaya ya Siha Mkoa wa Kilimanjaro leo tarehe 13/2/2019 kwa kauli moja wamepitia na kupitisha bajeti ya Halmashauri ya Wilaya ya Siha kwa mwaka wa fedha 2019.2020 yenye jumla ya Shilingi Bilioni 23.5

Awali akiwasilisha bajeti hiyo,Mkurugenzi Mtendaji wa Halmashauri ya Siha Valerian Juwal aliwaeleza wajumbe wa baraza hilo kuwa,Makusanyo ya ndani ya Halmashauri yatakuwa shilingi Bilioni 1.265 ambapo vyanzo vikuu vya makusanyo hayo vitaendelea kuwa ushuru wa mazao,viwanja,kodi za leseni na huduma mbalimbali pamoja na ada na tozo mbalimbali.

Alieleza kuwa Halmashauri ya Siha imejipanga kuhakikisha kuwa inakusanya mapato yake ya ndani  kwa kutumia mashine za kieletroniki kwa lengo la kupunguza na kuziba mianya ya upotevu wa  fedha zinazokusanywa katika vyanzo mbalimbali vya mapato ya ndani

Baraza la Wah. Madiwani kwa kauli moja walipitisha Bajeti hiyo na kutoa ahadi za  kutoa ushirikiano wa kutosha wa kumsaidia Mkurugenzi Mtendaji katika kufanikisha lengo la kukusanya mapato zaidi ya asilimia 80 hadi 100 ili Halmashauri ya Siha iwe miongoni mwa Halmashauri zitakazofanya vizuri katika ukusanyaji  wa mapato hapa Nchini.