KAMATI YA FEDHA YAELEKEZA SPIDI IONGEZWE UJENZI WA NYUMBA YA MKURUGENZI

Posted on: October 25th, 2023

Mwenyekiti wa Halmashauri ya Wilaya ya Siha Mhe Duncan Urassa ameelekeza spidi ya ujenzi wa nyumba ya Mkurugenzi Mtendaji wa Halmashauri ya Wilaya ya Siha inayojengo kwa fedha za Serikali Kuu Shilingi Milioni 150 ili  nyumba hiyo ianze kutumika na kufikia lengo la Serikali la kuboresha mazingira ya kufanyia kazi kwa watumishi.

Mhe. Urassa ametoa maelekezo hayo leo Oktoba 25, 2023 wakati wa ziara ya Kamati ya Fedha, Uongozi na Mipango ya kukagua miradi mbalimbali ya maendeleo.

Ziara ya Kamati ya Fedha, Uongozi na Mipango leo imetembelea na kukagua miradi ya afya, Elimu na Utawala ikiwa ni pamoja na Jengo la watumishi katika zahanati ya Roseline katika kata ya Ndumeti,  Zahanati ya Mwangaza katika kata ya Ngarenairobi, Ujenzi wa Mabweni katika shule ya sekondari Namwai, Ujenzi wa Chuo cha Ufundi Stadi - VETA na Ujenzi wa Shule Mpya ya Mkoa ya Waschana (Kilimanjaro Girls High School)