Halmashauri ya Siha yapata Mwenyekiti mpya

Posted on: November 23rd, 2018

Halmashauri ya Wilaya ya Siha imepata Mwenyekiti mpya wa Halmashauri baada ya kufanya uchaguzi wa Mwenyekiti leo tarehe 23.11.2018.

Katika uchaguzi huo jina moja tu la mgombea wa nafasi hiyo kutoka Chama Cha Mapinduzi ndiyo lililowasilishwa na kupigiwa kura ya ndiyo au hapana na wajumbe wa Baraza la Madiwani, ambapo jina la  Mh. Godson Ngomuo diwani wa Kata ya Makiwaru liliwasilishwa na kupigiwa kura za siri na wajumbe.

Baada ya uchaguzi kufanyika mwenyekiti wa uchaguzi huo ambaye pia ni katibu Tawala wa Wilaya ya Siha Mh. Joseph Mabiti alimtangaza Mh. Godson Ngomuo kuwa mshindi wa nafasi hiyo mara baada ya kupata kura 18 kati ya 18 zilizopigwa na wajumbe wa mkutano wa Baraza.

Baraza la Waheshimiwa Madiwani Halmashauri ya Siha leo tarehe 23.11.2018 wakiwa katika uchaguzi wa kumchagua mwenyekiti mpya wa Halmashauri

Kwa matokeo haya  Mheshimiwa Godson Ngomuo  kupitia Chama Cha Mapinduzi ambaye pia ni Diwani wa Kata ya Makiwaru ametangazwa rasmi  kuwa,Mwenyekiti mpya wa Halmashauri ya Wilaya ya Siha kwa kipindi cha mwaka 2018 hadi 2020.