Dkt Mnasi Ampongeza Rais Samia kwa Fedha za Miradi ya Maendeleo

Posted on: July 11th, 2024

Mkurugenzi Mtendaji Dkt Haji Mnasi amempongeza Rais wa Jamhuri wa Muungano wa Tanzania Mhe. Dkt Samia Suluhun Hassan kwa fedha nyingi za miaradi ya maendeleo anazotoa katika Halmashauri ya  Wilaya ya Siha ili kuboresha huduma kwa wananchi.

Dkt Mnasi ametoa leo tarehe 11/07/2024 katika ukumbi wa Halmashauri wakati wa kikao kazi na Watumishi wa Halmashauri Makao makuu, Timu ya usimamizi na uendashaji wa idara ya afya Wilaya (CHMT), Watendaji wa kata na vijiji

Amesema Mhe. Dkt Samia Suluhu Hassan ametoa fedha kwa lengo la kutekeleza miradi ya maendeleo ili kuwawezesha wananchi wa Wilaya ya Siha kupata huduma kwenye sekta ya Elimu na Afya.

“Tumepokea Bilioni 1.1 kwa ajili ya upanuzi wa Shule ya Sekondari ya Wasichana Kilimanjaro, Tumepokea Milioni 584 kujenga Shule ya sekondari mpya kata ya Mitimirefu na Tumepokea pia Bilioni 1.6 kwa ajili ya ujenzi wa shule ya ufundi ya Sekondari itakayojengwa katika Kata ya Ndumeti” amesema Dkt Mnasi.

“Tummpongeze sana pia Naibu waziri wa afya (MB) Dkt Go kwa kufikisha kero za wananchi wa Wilaya ya Siha, na sisi kazi yetu ni kuendelea kuisimamia miradi hiyo itekelezwe kwa ubora unaotakiwa” ameongeza Dkt Mnasi.

Dkt Mnasi amewataka watendaji wa kata na vijiji kusimamia miradi ya maendeleo kwa ukaribu, uzalendo, nidhamu na kufuata sheria, kanuni na taratibu ili itakapokamilika iwahudumie wananchi kama ilivyokusudiwa.