DED Siha Awapongeza Watumishi wa Umma kwa Utumishi Bora kwa Mwaka 2023/2024

Posted on: July 11th, 2024

Mkurugenzi Mtendaji wa Halmashauri ya Wilaya ya Siha Dkt Haji Mnasi amewashukuru watumishi wote kwa ushirikiano mkubwa wanaoutoa ambao umewezesha halmashauri kupata hati safi, kukusanya mapato kwa asilimia zaidi ya 100, usimamizi wa miradi ya mendeleo yenye ubora na kufanikisha Halmashauri kuwa ya tatu kwenye utoaji wa taarifa kwa wananchi kwa mwaka 2023/2024.

Dkt Mnasi ametoa shukrani hizo leo Julai 11, 2023 kwenye kikao kazi cha Mkurugenzi na watumishi wa makao makuu ya Halmashauri, Timu ya usimamizi na uendashaji wa idara ya afya Wilaya (CHMT), watendaji wa kata (WEO) na watendaji wa Vijiji (VEO) kwa lengo kutathmini na kuweka mikakati ya kuboresha utendaji kazi kwa mwaka mpya wa fedha wa 2024/2025.

Amesema kutoakana na ushirikiano huo Halmashauri ya Siha inatajwa kama mfano katika usimamizi wa miradi na ukusanyaji wa mapato kwa Mkoa wa Kilimanjaro na taifa kwa ujumla.

“Ninawashukuru Kipekee kabisa kwa namna ambavyo mnavyonipa ushirikiano, ni kwa sababu yenu watumishi Halmashauri ya siha inaendelea kufanya vizuri katika nyanja mbalimbali na kutwajwa kuwa ya mfano kwa Mkoa wa Kilimanjaro” amesema Dkt Mnasi.

“Tumefanya vizuri sana katika mwaka wa fedha 2023/24, Tumekusanya mapato ya ndani kwa asilimia zaidi ya 100, tumeiwezesha Halmashauri kupata hati safi kwa kujibu hoja za GAG kwa ufasaha, tumekamilisha miradi ya maendeleo kwa ubora kwenye maeneo yetu, hii yote ni kwa sababu ya ushirikiano tulionao” ameongeza Dkt Mnasi

Amewataka watumishi kuendelea kufanya kazi kwa nidhamu, ufanisi na kwa kufuata sheria, kanuni, taratibu na miongozo ya utumishi wa umma ili kuendelea kuboresha utoaji wa huduma kwa wananchi wa Wilaya ya Siha.

Mkurugenzi Mtendaji amefanya kikao kazi na Watumishi wa Makao Makuu ya Halmashauri, Timu ya usimamizi na uendashaji wa idara ya afya Wilaya (CHMT), Watendaji wa Kata (WEO) na Watendaji wa Vijiji (VEO) kwa lengo kutathmini na kuweka mikakati ya kuboresha utendaji kazi kwa mwaka mpya wa fedha wa 2024/2025.

Mkurugenzi Mtendaji wa Halmashauri ya Wilaya ya Siha Dkt Haji Mnasi akizungumza kwenye kikao kazi cha Mkurugenzi na watumishi wa makao makuu ya Halmashauri, Timu ya usimamizi na uendashaji wa idara ya afya Wilaya (CHMT), watendaji wa kata (WEO) na watendaji wa Vijiji (VEO) kwa lengo kutathmini na kuweka mikakati ya kuboresha utendaji kazi kwa mwaka mpya wa fedha wa 2024/2025.

 Watumishi wa makao makuu ya Halmashauri, Timu ya usimamizi na uendashaji wa idara ya afya Wilaya (CHMT), watendaji wa kata (WEO) na watendaji wa Vijiji (VEO) wakiwa kwenye kikao kazi na  Mkurugenzi Mtendaji chenye lengo kutathmini na kuweka mikakati ya kuboresha utendaji kazi kwa mwaka mpya wa fedha wa 2024/2025.