DED Siha awapongeza watumishi wa umma kwa ushirikiano mkubwa wanaoutoa

Posted on: March 11th, 2024

Mkurugenzi Mtendaji wa Halmashauri ya Wilaya ya Siha Dkt Haji M. Mnasi amewashukuru watumishi wa umma wa makao makuu ya  Halmashauri kwa ushirikiano wanaotoa katika utekelezaji wa shughuli za serikali ikiwemo kuwahudumia wananchi na wakazi wa wilaya ya siha, usimamizi wa miradi ya maendeleo na ukusanyaji wa mapat6o ya ndani.

Dkt Mnasi ametoa pongezi hizo leo Machi 11, 2024 wakati wa kikao kazi na watumishi wa umma wa makao makuu kilichofanyika katika ukumbi wa mikutano wa makao makuu ya ya Halmashauri kwa lengo la kuwasikiliza na kutoa maelekezo ya kufuata miongozo ya utumishi wa umma ikiwemo Nidhamu na mahusiano mema kazini, utoaji wa mrejesho mapema (feedback) kwa watumishi na wananchi wanafuata huduma.

Amewaasa watumishi wa umma kufanya kazi kwa nidhamu ya hali ya juu na kudumisha mahusianoi chanya yanayolenga kuchochea uwajibikaji kazini na kuchangia uwepo wa matokeo chanya wakati wa utoaji wa huduma.

Aidha, Dkt Mnasi amewasisitiza watumishi wa umma kufanya kazi kwa kuzingatia miongozo, kanuni na taratibu ikiwemo uzingatiaji wa muda wa kufika kazini na utunzaji wa siri za serikali.

“Unajua tukiwajibika kama tunavyotakiwa kwenye kuwahudumia wananchi, usimamiaji wa miradi na uzingatiaji wa Miongozo, Kanuni na Sheria itachochea kwa kiasi kikubwa upatikanaji wa matokeo chanya kwa wananchi na nchi kwa ujumla”  amesema Dkt Mnasi Mkurugenzi Mtendaji.

Baadhi ya Watumishi wa Umma wa makao makuu wakiwa kwenye kikao kazi na Mkurugenzi Mtendaji Halmashauri ya Siha katika ukumbi wa mkutano wa makao makuu ya Halmashauri leo Machi 11, 2024.

Watumishi wa Umma wa makao makuu wakiwa kwenye picha ya pamoja na Mkurugenzi Mtendaji Daktari Haji M. Mnasi (Tano kushoto) kikao kazi katika ukumbi wa mkutano wa makao makuu ya Halmashauri leo Machi 11, 2024.