DED Siha Awaelekeza Watumishi kuwa Wawajibikaji

Posted on: July 11th, 2024

Mkurugenzi Mtendaji wa Halmashauri ya Wilaya ya Siha Dkt Haji Mnasi amewaelekeza watumishi wa umma kuwa wawajibikaji katika maeneo wanayoyasimamia.

Akizungumza kwenye kikao kazi cha Mkurugenzi na Watumishi wa Makao Makuu ya Halmashauri, Timu ya usimamizi na uendashaji wa idara ya afya Wilaya (CHMT), Watendaji wa Kata (WEO) na Watendaji wa Vijiji (VEO) kwa lengo kutathmini na kuweka mikakati ya kuboresha utendaji kazi kwa mwaka mpya wa fedha wa 2024/2025 leo Julai 11, 2023, Dkt Mnasi amehimiza watumishi wote kuwajibika katika maeneo yao ya usimamizi hasa ukusanyaji wa mapato na usimamizi wa miradi ya maendeleo.

Amesema suala la ukusanyaji wa mapato ni ajenda namba moja ya Halmashauri hivyo kila Mtumishi wa umma kuanzia ngazi ya kijiji hadi Wilaya anatakiwa kushiriki kikamilifu kwa kuweka mikakati bora na kuisimamia ili kufikia lengo la kukusanya mapato ya ndani kwa asilimia 100.

“Suala la ukusanyaji wa mapato ya ndani kwenye vyanzo vyote liwe ajenda namba moja kwa mwaka wa fedha 2024/2025, kwa watumishi wote kuanzia kwa wakuu wa Idara na vitengo hadi kwa watendaji wa vijiji mna jukumu la kukusanya mapato” amesema dkt Mnasi.

“Niwahimize pia kila mmoja atumie mifumo ya serikali ukiwemo wa watumishi wa umma (PEPMIS) na Mfumo wa Manunuzi kwa taasisi za umma (Nest) ili kuboresha utendaji kazi kwa mwaka wa fedha 2024/2025” ameongeza Dkt Mnasi.

Amewataka watendaji wa kata na vijiji kusikiliza na kutatua kero za wananchi katika maeneo wanayoyasimamia na kuacha kusubiri viongozi ngazi ya Wilaya kuja kutatua kero ambayo ipo ndani ya uwezo wao.

“ukishindwa kuwasikiliza, kuwahudumia na kutatua changamoto za wananchi waliopo kwenye eneo lako la utawala basi na wewe ni sehemu ya tatizo hilo, niwaombe tutatue migogoro na kufanya vikao vya mara kwa mara” amesema Mkurugenzi Mtendaji Dkt Haji Mnasi.

Mkurugenzi Mtendaji amefanya kikao kazi na Watumishi wa Makao Makuu ya Halmashauri, Timu ya usimamizi na uendashaji wa idara ya afya Wilaya (CHMT), Watendaji wa Kata (WEO) na Watendaji wa Vijiji (VEO) kwa lengo kutathmini na kuweka mikakati ya kuboresha utendaji kazi kwa mwaka mpya wa fedha wa 2024/2025.

Mkurugenzi Mtendaji wa Halmashauri ya Wilaya ya Siha Dkt Haji Mnasi akizungumza kwenye kikao kazi cha Mkurugenzi na watumishi wa makao makuu ya Halmashauri, Timu ya usimamizi na uendashaji wa idara ya afya Wilaya (CHMT), watendaji wa kata (WEO) na watendaji wa Vijiji (VEO) kwa lengo kutathmini na kuweka mikakati ya kuboresha utendaji kazi kwa mwaka mpya wa fedha wa 2024/2025.