DC SIHA awataka wazazi/walezi Siha kuzingatia lishe bora kwa watoto

Posted on: November 20th, 2020

DC SIHA ahimiza umuhimu wa lishe bora kwa watoto Wilaya ya Siha

Mkuu wa Wilaya ya Siha mhe. Onesmo Buswelu amewataka wazazi na walezi Wilaya ya Siha kuhakikisha kuwa wanawapatia watoto lishe bora wakati wote ili kujenga jamii bora itakayoweza kujishughulisha na kazi za maendeleo ya Taifa hapo baadaye.

Kauli hiyo ameitoa alipokuwa  katika kikao cha kawaida cha  kamati ya lishe Wilaya ya Siha kilichofanyika katika ukumbi wa mikutano wa Halmashauri ya Siha tarehe 19.11.2020 ambapo kilijadili hali ya lishe katika Wilaya ya Siha.

Napenda kutoa wito kwa wazazi na walezi katika Wilaya ya Siha kuhakikisha kuwa suala la lishe linapewa kipau mbele hasa ukizingatia kuwa upatikanaji wa chakula katika Wilaya yetu ni wa kiwango cha juu kabisa ni suala la mtu kuchagua ale chakula cha aina gani, alisema na kuongeza mhe. Buswelu

Katika kikao hicho mkuu wa Wilaya ya Siha alitoa agizo kwa viongozi wa vijiji na kata kuhakikisha kuwa wanafunzi wa shule za msingi na sekondari katika maeneo yao  wanapata chakula cha mchana ili kuboresha afya ya mwili na akili