DC SIHA awataka Wananchi kuzingatia usafi wa Mazingira

Posted on: January 26th, 2024

DC SIHA awataka Wananchi kuzingatia usafi wa Mazingira

Mkuu wa Wilaya ya Siha ametoa wito kwa  wananchi na wakazi wa Wilaya ya Siha kuzingatia utunzaji wa mazingira kwa kufanya usafi katika maeneo wanayoishi kwa kiwango kinachotakiwa ili kuepukana na magonjwa ya mlipuka  ikiwemo magonjwa na Tumbo ikiwemo na kipindupindu.

Kauli hiyo ameitoa katika kikao Maalum cha Kamati ya Ushauri ya Maendeleo ya Wilaya ya Siha kilichofanyika Makao Makuu ya Halmashauri ya Siha kwa lengo la kupitia mapendekezo ya bajeti ya Halmashauri kwa mwaka wa fedha 2024/2025.

“Tuna hatari  ya magonjwa ya mlipuko, na bila usafi ni ngumu kupambana nayo, kwa hiyo ni vizuri tukaweka mazingira yetu katika hali ya usafi wakati wote  ili tuepukane na magonjwa hayo” Ameongeza Dkt Timbuka.

Amewaagiza Maofisa Tarafa,Watendaji wa Kata na Vijiji pamoja na Viongozi wa ijiji na Vitongoji kusimamia vema agizo la kusimamia usafi katika maeneo yote ya Wilaya ya Siha hususani maeneo yenye mkusanyiko mkubwa na maeneo ya makazi.