DC Siha amshukuru mwananchi aliyetoa eneo la ujenzi wa shule

Posted on: November 3rd, 2021

Mkuu wa Wilaya ya Siha mhe. Thomas Apson leo jumatano tarehe 3 Nonemba  amefanya ziara ya kutembelea eneo inapojengwa shule  mpya ya Msingi katika Kijiji cha Mwinuko.

Mkuu wa Wilaya ya Siha mhe.Thomas Apson(aliyevaa trucksuti nyeusi) akipata maelezo ya eneo la ujenzi

Alikuwa katika eneo la ujenzi wa shule hiyo mpya ,mkuu wa Wilaya alikutana na mwananchi aliyetoa eneo la kujenga shule hiyo ndugu Solomon Lukumay na kumshukuru sana kwa niaba ya Serikali kwa kujitolea eneo bure.

Mkuu wa Wilaya ya Siha mhe. Thomas Apson (kushoto) akimshukuru ndugu Solomoni Lukumay (kulia mbele) aliyetoa eneo la kujenga shule ya msingi

Alieleza kuwa ndugu Solomoni ameonesha moyo wa kizalendo kwa kutoa eneo lake bure kwa ajili ya ujenzi wa shule ya msingi katika Kijiji cha mwinuko Kata ya Makiwaru Wilayani Siha.

Mkuu wa Wilaya ya Siha (saba kulia mbele) akiwa na wananchi wa kijiji cha Mwinuko eneo la ujenzi wa shule

Napenda kuwafahamisha kuwa kama siyo ndugu Solomon Lukumay kutoa eneo hili la kujenga shule fedha hizi za kujenga madarasa manne katika eneo hilizingehamishiwa maeneo mengine yenye uhitaji kama huu alisema Thomas Apson Mkuu wa Wilaya ya Siha.

DC Siha akikagua eneo la ujenzi wa shule ya msingi kijiji cha Mwinuko leo tarehe 3.11.2021

Mapema akimkaribisha mkuu wa Wilaya katika eneo hilo la ujenzi Diwani wa Kata ya Makiwaru mhe. Ezekiel Lukumay amesema kuwa wananchi wa kijijiji hicho watafanya kazi kwa bidii zote kuhakikisha kuwa ujenzi  wa madarasa unakamilika kwa wakati ulitolewa na Serikali.