DC SIHA AMPONGEZA MKURUGENZI KWA KUKAMILISHA MIRADI YA ELIMU

Posted on: October 11th, 2023

Mkuu wa Wilaya ya Siha Mhe. Dkt Christopher Timbuka oktoba 11, 2023 amempongeza mkurugenzi mtendaji wa halmashauri ya wilaya ya siha Dkt Haji Mnasi na Timu yake ya wataaalamu kwa kusimamia kwa ufanisi na kukamilisha ujenzi wa miradi ya maendeleo katika Shule ya Sekondari Sanya Juu  na Shule ya Sekondari Oshara zilizopokea shilingi Milioni 464.4 kwa ajili ya ujenzi wa mabweni mawili, Madarasa 7 na Matundu ya vyoo 14 kutoka serikali kuu.

Mkuu wa Wilaya Dkt Timbuka ametoa pongezi hizo wakati wa ziara yake na kamati ya ulinzi na usalama kukagua ujenzi unaoendelea wa miradi ya maendeleo katika Wilaya ya Siha ambapo amesema miradi hiyo imesimamiwa vyema na thamani ya fedha katika miradi hiyo inaonekana.

Mhe. Dkt Timbuka amewaelekeza kuendeleza ufanisi huo ili kuhakikisha miradi inakamailika kwa wakati na  kuzingatia ubora unaotakiwa kwenye miradi inayoendelea kutekelezwa kwa hivi sasa ikiwemo mradi wa chuo cha ufundi stadi VETA cha Wilaya ya Siha na Shule ya Sekondari ya Waschana ya Mkoa Kilimanjaro Girls High School inayojengwa katika kijiji cha mawasiliano kata ya Gararagua.

Pia Kamati ya ulinzi na usalama imeridhishwa na maendeleo ya ujenzi wa chuo cha VETA kitakachogharimu Shilingi Bilioni 1.4 kutoka serikali kuu hadi kukamilika kwake ambapo wamepongeza jitihada Wataalamu na Mafundi katika kuhakikisha wanafikia malengo ya Serikali ya ujenzi wa miundombinu bora ya Sekta ya Elimu.

Kwa upande wake mkurugenzi wa halmashauri ya Wilaya ya siha Haji Mnasi wamewaoelekeza Walimu kusimamia vyema miundombinu hiyo na kutunza mazingira ilikupunguza uharibifu ili matokeo yaliyopkusudiwa na Rais wa Jamhuri ya Muungano wa Tanzania Mhe. Dkt Samia Suluhu Hassan ya kuongeza na kuboresha miundombinu ya Kidato cha Tano kwa Mwaka 2023 yafikiwe.

Miradi iliyotembelewa na Kamati ya ulinzi na usalama ni pamoja na miradi ya afya, ambapo imetembelea Hospitali ya Wilaya ya Siha na miradi ya Elimu ambapo pia wametembelea Chuo cha Ufundi Stadi VETA, Shule ya Sekondari Oshara , Shule ya Sekondari Sanya juu na Shule ya Sekondari Namwai.