BILIONI 10.59 ZABORESHA ELIMU SEKONDARI WILAYANI SIHA

Posted on: December 1st, 2023

BILIONI 10.59 ZABORESHA SEKTA YA ELIMU SEKONDARI KIPINDI CHA AWAMU YA SITA 

Katika kipindi cha miaka mitatu cha uongozi wa awamu ya sita kinachoongozwa na Mhe Dkt.Samia Suluhu Hassan Raisi wa Jamhuri ya Muungano wa Tanzania Halmashauri ya Wilaya ya Siha imepokea zaidi ya shillingi billion 10.59 kuboresha sekta ya Elimu Sekondari .

Taarifa iliyotolewa na Mkurugenzi Mtendaji Halmashauri ya Siha Dkt. Haji Mnasi Novemba 24,2023 wakati akiongea na vyombo vya habari  katika ukumbi wa mikutano wa Mkuu wa Mkoa  Kilimanjaro.

Dkt.Mnasi akisoma taarifa ya Halmashauri ya Wilaya ya Siha ametaja mafanikio hayo ikiwa ni katika sekta ya Elimu Sekondari  ambapo ameeleza kuwa  Halmashauri ya Wilaya ya Siha katika kipindi cha awamu ya sita chini imepokea billion 7.92 za ujenzi na uboreshaji wa miundombinu katika shule za Sekondari na shilingi  billion 2.67 zikiwa ni fedha za  elimu bila malipo.

“Taarifa iliyowasilishwa na Dkt. Haji Mnasi imeeleza kuwa fedha zilizopokelewa na Halmashauri zimetumika katika ujenzi wa shule  2 mpya za Sekondari,ujenzi wa vyumba 109  vya madarasa, Ujenzi wa vyumba 16  vya Maabara,ujenzi wa nyumba 17 za Walimu,ujenzi  wa matundu 88 ya vyoo pamoja na  ujenzi wa mabweni 12 ya wanafunzi

Dkt. Mnasi amesema kuwa,mafanikio yote hayo yametokana na moyo wa kujituma na hari ya kufanya kazi miongoni mwa wasimamizi wa miradi hiyo mikubwa ya maendeleo.

Taarifa ya Halmashauri ya siha iliyotolewa kwa vyombo vya habari Novemba 24,2023 emeeleza kuwa katika kipindi cha uongozi wa  Serikali ya awamu ya sita chini ya Mhe. Dkt. Samia Suluhu Hassan Rais wa Jamhuri ya Muungano wa Tanzania, Halmashauri ya Wilaya ya Siha Mkoa wa Kilimanjaro imepokea jumla ya shilingi billion 21.75 kwa ajili ya utekelezaji wa  miradi mbalimbali ya maendeleo katika  sekta ya elimu,afya,kilimo na mifugo,uwezeshaji wananchi kiuchumi na Mifuko ya TASAF.