Barabara Sanya Juu -Elerai kukamilika Februari,2019

Posted on: September 18th, 2018

Barabara kiwango cha lami kutoka Sanya juu hadi Elerai  inayojengwa na Serikali ya Jamhuri ya Muungano wa  Tanzania yenye urefu wa kilomita 32.2  inatarajiwa kukamilika mapema mwaka 2019.

Hayo yamesemwa leo tarehe 18.09.2018 katika ziara ya wajumbe wa  kamati  siasa ya Chama cha Mapinduzi  mkoa wa Kilimanjaro walipokuwa wakikagua utekezaji wa ujenzi huo.

Wajumbe wa Kamati ya Siasa Mkoa Kilimanjaro na wale wa Wilaya ya Siha  kupitia CCM  wakikagua ujenzi wa barabara hiyo eneo la ngarenairobi mapema leo tarehe 18.09.2019

Katika ziara hiyo Mkuu wa Wilaya ya Siha Mhe. Onesmo Buswelu alieleza kuwa wananchi wa Wilaya ya Siha kwa umoja wao wameamua kuunga mkono juhudi za dhati za mhe. Rais wa Jamhuri ya Muungano wa Tanzania za kuhakikisha wananchi wanyonge wananufaika na matunda ya Nchi yao.

ujenzi barabara ya Lami unaoendelea kujengwa eneo la Datch Corner Wilayani Siha

Awali meneja wa wakala wa barabara Mkoa wa Kilimanjaro ( TANROAD) aliwaeleza wajumbe kuwa,mpango ulikuwa kukamilisha barabara hiyo tarehe 13.10.2018 lakini kutokana na mwaka huu mvua kunyesha nyingi wameomba kuongezewa muda hadi tarehe 13.2.2019.

Kukamilika kwa ujenzi wa barabara hiyo kutafungua fursa za kiuchumi katika Wilaya ya Siha hususani Tarafa ya Siha Magharibi yenye kata za Mitimirefu,Ngarenairobi na Ndumet.