Bajeti Halmashauri ya Wilaya ya Siha 2022/2023 yafikia shilingi Bil. 22.308 Bil. 22.308

Posted on: August 12th, 2022

Bajeti ya Halmashauri ya Wilaya ya Siha 2022/2023 yafikia shilingi Bil. 22.308

Mkutano wa Kawaida wa Baraza la Madiwani  uliokutana leo tarehe 12.08.2022 katika ukumbi wa mikutano wa Halmashauri ya Wilaya ya Siha pamoja na mambo mengine  umepitia na kujadili  mpango wa bajeti ya Halmashauri ya Siha ulioidhinishwa na Bunge kwa mwaka 2022/2023.

Mwenyekiti Halmashauri ya Wilaya ya Siha Mhe.Duncan Urassa akifafanua jambo katika Mkutano huo

Katika Mkutano huo,Mkurugenzi Mtendaji wa Halmashauri ya Wilaya ya Siha ndugu Pendo Mangali amewasilisha bajeti ya Halmashauri ya Wilaya ya Siha iliyoidhinishwa na Bunge kwa mwaka 2022/2023  yenye kiasi cha jumla ya shilingi Bilioni 22.308.

Wah.Madiwani Halmashauri ya Siha wakifuatilia kwa makini uwasilishwaji wa bajeti iliyoidhinishwa

Mkurugenzi Mtendaji amewaeleza Wajumbe wa Mkutano kuwa,bajeti ya Halmashauri ya Wilaya ya Siha iliyoidhinishwa na Bunge ni  kiasi cha jumla ya  shilingi 22,308,357,000 kutokana na makusanyo ya  vyanzo mbalimbali vya mapato ya ndani ya Halmashauri(own source),Ruzuku kutoka Serikali kuu pamoja na Ruzuku kutoka kwa washirika wa maendeleo.

Aidha,alieleza wajumbe wa Baraza la Madiwani kuwa katika bajeti hiyo,Vyanzo vya Mapato ya ndani ni shilingi 1,974,360,000/=,Ruzuku kutoka Serikali Kuu jumla ya shilingi 16,827,738,000/= na Ruzuku kutoka washirika wa maendeleo jumla ya shilingi 3,506,259,000/=.

Utekelezaji wa bajeti mpya ya Halmashauri ya Wilaya ya Siha kwa mwaka wa fedha 2022/2023 umeanza rasmi 01 Julai, 2022