Wasifu

NENO LA UKARIBISHO

Halmashauri ya Wilaya ya Siha ilianzishwa mwaka 2007 Julai 01 kwa sheria ya Serikali za Mitaa ya mwaka 2002, Halmashauri ya Wilaya ya Siha ni miongoni mwa Halmashauri 6 za Mkoa wa Kilimanjaro.  Wilaya ya Siha inajumla ya ukubwa wa kilomita za mraba 1158,Idadi ya watu ni 116313 wanaume 56500 na Wanawake 59813 (Sensa ya watu na makazi ya 2012). Wilaya ya Siha ndiyo Wilaya ya pekee yenye makabila zaidi ya 120

MIPAKA

Kaskazini imepakana na Loitok na Wilaya ya Rombo kwa Sehemu,Kusini imepakana na Wilaya ya Hai,Mashariki imepakana na hifadhi ya Mlima mrefu Barani Afrika Mlima Kilimanjaro,Kaskazini Magharibi imepakana na Wilaya ya Longido, Magharibi imepakana na Wilaya ya Arumeru. Halmashauri ya Siha inazo Tarafa 5,Kata 17,Vijiji 60 na Vitongoji 169,shule za Sekondari 21,Shule za Msingi 64,Hospitali 2 moja ya Taifa ya Kifua Kikuu na Nyingine ya Wilaya

SHUGHULI ZA KIUCHUMI

Wananchi wa Halmashauri ya Wilaya ya Siha hujishughulisha na shughuli za Kilimo na Ufugaji  na  baadhi hujishughulisha na biashara. Mazao yanayolimwa sana Wilaya ya Siha ni Mahindi,Maharage,Ngano,Kahawa,Shairi,Ndizi,Parachichi,viazi mviringo  na Mazao ya mboga mboga. Pia Wilaya ya Siha inaloshamba kubwa la msitu wa kupandwa wa Serikali eneo la West Kilimanjaro. Pia Watalii na Wageni mbalimbali wanapanda mlima Kilimanjaro kupitia Lango la Londorosi lililopo West Kilimanjaro Wilaya ya Siha

FURSA zilizopo

Halmashauri ya Wilaya ya Siha ndiyo Halmashhauri ya pekee mkoa wa Kilimanjaro yenye vyanzo vingi vya maji tiririka yanayotoka katika kilele cha mlima Kilimabnjaro na upatikanaji wa maji hadi mwezi Desemba 2020 umefikia asilimia 90,Mashamba makubwa yanayomilikiwa na vyama vya ushhirika pamoja na watu binafsi,maeneo ya uwekezaji katika sekta ya Kilimo,Elimu,mifugo, Hoteli za Kitalii na za Kawaida, Umeme umefika kila eneo katika Halmashauri ya Siha ,Barabara zinazopitika majira yote ya mwaka

HALI NA AMANI

Halmashauri ya Wilaya ya Siha inawatu wakarimu,Wapole na Wanaopenda watu wote wa Mataifa mbalimbali. Hali ya amani na Utulivu imatamalaki wakati wote wa mwaka