ZINGATIENI KANUNI ZA MAADILI YA UTENDAJI KATIKA UTUMISHI WA UMMA

Posted on: February 7th, 2025

Watumishi wapya wa kada za afya, Watunza kumbukumbu, watendaji wa vijiji na madereva wametakiwa kufanya kazi kwa kuzingatie kanuni za maadili ya utengaji  katika utumishi wa umma.

Kanuni hizo zilizotungwa na Waziri wa Nchi, Ofisi ya Rais, Manejimenti ya Utumishi wa Umma kwa mujibu wa Mamlaka aliyopewa katika Kifungu cha 34 cha Sheria ya Utumishi wa Umma ya Mwaka 2002 pamoja na Kanuni ya 65 (1) ya Kanuni za Utumishi wa Umma za Mwaka 2003 ili kufafanua tabia na mienendo inayokubalika katika utumishi wa umma.

Akifafanua kanuni hizo za maadili ya utendaji katika Utumishi wa Umma, Afisa Utumishi Mary Mbwambo amesema Watumishi wa Umma wanapaswa kutambua kuwa wana wajibu wa kutoa huduma bora kwa Umma bila upendeleo na kudumisha uhusiano mzuri mahala pa kazi. 

Pia amewasisitiza watumishi wapya  kutii Serikali iliyopo madarakani ikiwa ni pamoja na  kutekeleza sera na maelekezo halali yanayotolewa na Mawaziri na Viongozi wao wengine wa Serikali.

"Mnapaswa kufanya kazi kwa bidii na nidhamu ya hali ya juu kwa kutumia maarifa, ujuzi na utaalam wanu hali itakayowezesha kupata ufanisi wa kiwango cha juu na kuzikamilisha kwa muda unaotakiwa" amesema Afisa Utumishi Mary Mbwambo.

Kanuni nyingine za maadili ya utendaji katika utumishi wa umma pamoja na kufanya kazi kwa Uadilifu,  matumizi sahihi ya Taarifa na Kutoa huduma bila Upendeleo.