Wilaya ya Siha yazindua zoezi la kupiga chapa mifugo

Posted on: November 1st, 2017

Wilaya ya Siha mkoa wa Kilimanjaro imezindua rasmi zoezi la kupiga chapa mifugo yote Wilayani jump.

Zoezi hilo limezinduliwa rasmi na mhe.Onesmo Buswelu Mkuu wa Wilaya ya Siha katika kijiji cha Magadini Kata ya Gararagua Wilayani hapa.

Akizindua zoezi hilo mkuu wa Wilaya ya Siha mhe.Onesmo Buswelu aliwashukuru wananchi wa Wilaya ya Siha Kwa kuitikia wito wa kuleta mifugo yao Kwa ajili ya kufanikisha zoezi hilo muhimu.

Aliwataka wafugaji na Wananchi Wilaya ya Siha kutimiza zoezi hilo Kwa wakati uliopangwa kulingana na ratiba iliyotolewa na maofisa wa mifugo wa Halmashauri katika kila Kata na Vijijini.

Mkuu wa Wilaya alieleza kuwa zoezi hilo limeanza Leo tarehe 01 Novemba,2017 na linatarajiwa kukamilika Des 31,2017 katika Wilaya ya Siha.

Baada ya muda uliopangwa kukamilika zoezi la kukamata mifugo ambayo haijapigwa chapa litaanza na kutozwa faini Kwa mujibu wa Sheria Kwa mifugo yote itakayokutwa haijapigwa chapa ya Wilaya ya Siha.

Wilaya ya Siha inajumla ya ng'ombe 56,000 ambao wanatarajiwa kupigwa chapa katika zoezi hili kutoka vijiji 60 na Kata 12 zilizopo katika Halmashauri ya Siha.