Wilaya ya Siha yatakata katika miradi ya Mwenge mwaka 2023

Posted on: June 27th, 2023

Mkuu wa wilaya ya Siha Dkt Christopher Timbuka (kulia) Juni 27, 2023 akimkabidhi Mwenge wa Uhuru  Mkuu wa Mkoa wa Kilimanjaro Ndugu Nurdin Babu  pamoja na wakimbiza Mwenge Kitaifa sita baada ya kuzindua, Kutembelea na kuweka mawe ya Msingi katika miradi 7 ya maendeleo ndani ya Wilaya ya Siha.

Mwenge wa Uhuru ulizindua Shule ya awali na Msingi Munge iliyopo Kata ya DonyoMurwak, Ulitembelea mradi wa vijana wa uchomeleaji vyuma  katika Kijiji cha Lawate Kata ya Kirua, ulizindua madarasa mawili na ofisi ya walimu katika Shule ya Msingi Kishisha iliyopo Kata ya Ivaeny na baadae Kutembelea shamba la Macademia nuts PYRITA katika kata ya Nasai.

Pia Mwenge wa Uhuru ukiwa Wilayani Siha umeweka jiwe la Msingi ujenzi wa Barabara ya lami  Sanya Juu - Naibili - KIA katika kata ya Sanya Juu, Kutembelea klabu ya wapinga Rushwa katika Shule ya Sekondari Nuru Kata ya Makiwaru, Kuweka jiwe la Msingi upanuzi wa zahanati ya Naibili katika kata ya Makiwaru na hatimaye Kutembelea mradi wa maji katika Kijiji Cha Ndinyika kata ya Karansi.

Kiongozi wa Mbio za Mwenge wa Uhuru Kitaifa ndugu Abdalah Shaib Kaim ametoa pongezi nyingi kwa mkuu wa Wilaya ya Siha,Mkurugenzi Mtendaji,Uongozi wa Chama Cha Mapinduzi pamoja na Baraza la Madiwani wa Halmashauri ya Wilaya ya Siha kwa usimamizi bora wa miradi ya maendeleo.

Mbio za Mwenge wa Uhuru Kitaifa zinaongozwa na kauli mbiu isemayo, "Tunza Mazingira Okoa Vyanzo vya Maji kwa Ustawi wa Viumbe Hai na Uchumi wa Taifa"