Wazazi wananyima watoto fursa ya elimu kuchukuliwa hatua

Posted on: January 26th, 2024

Wazazi wanaonyima watoto fursa ya elimu kuchukuliwa hatua:DC SIHA

Mkuu wa Wilaya ya Siha mh. Dkt Christopher Timbuka amewataka wananchi na wazazi Wilayani Siha wenye watoto wa shule na waliopangwa mashuleni kujiunga na kidato cha kwanza na darasa la kwanza na madarasa watoto wote wanaripoti shule  walizopangiwa bila kukosa.

Mh Dkt. Timbuka amesema hayo januari 25, 2024 wakati akihitimisha kikao Maalum cha kamati ya  maendeleo ya Wilaya (DCC) kilichofanyika katika ukumbi wa mikutano wa Halmashauri  ya Wilaya ya Siha kupitia mapendekezo ya bajeti ya Halmashauri kwa mwaka wa fedha 2024/2025.

Amesema kuwa wapo baadhi watoto ambao bado hawajaripoti  katika shule walizopangiwa ,hivyo natoa  wito kwa wazazi/walezi  kuhakikisha watoto wote wanaostahili kuwa shuleni wanaripoti mara moja  kwani  Rais Dkt Samia Suluhu Hassan ameweka miundo mbinu wezeshi ya kuwapatia elimu bora watoto wote wa Tanzania bila ada.

“Mahudhurio kwenye shule za msingi sekondari tangu tumefungua shule kwenye tarehe nane ni mwezi sasa tangu shule zifunguliwe kuna baadhi ya watoto hawajaripoti  kwenye shule na sisi kama Baraza la ushauri la Wilaya la Maendeleo (DCC) kulisemea na kutoa msisitizo kwa jambo hili alisemaMhe. Dkt Timbuka.

Halmashauri ya Wilaya ya Siha Mkoani Kilimanjaro inajumla ya shule za Msingi 75 kati ya hizo 63 za Serikali na 12 zisizo za Serikali, Shule za Sekondari zipo 22 kati za hizo 18 za Serikali na shule 04 zisizo za Serikali.