Watumishi wa Umma watakiwa kutumia NeST

Posted on: April 18th, 2024

Meneja wa Kanda ya Kaskazini wa Mamlaka ya Udhibiti wa Manunuzi ya Umma (PUBLIC PROCUREMENT REGULATORY AUTHORITY - PPRA) Ndg Magai Maregesi (tano kulia) na Maafisa wengine wa Mamlaka hiyo wakiwa kwenye picha ya pamoja na Wakuu wa Divisheni na Vitengo wa Halmashauri ya Wilaya ya Siha mkoa wa Kilimanjaro ambapo wataalam hao  wameeleza shughuli zinazofanywa na mamlaka hiyo.

Kikao cha pamoja kimefanyika  mapema Alhamis  leo Aprili 18, 2024 katika ukumbi wa mikutano Halmashauri ya Wilaya ya Siha.

Maregesi amesema kuwa  mamlaka hiyo kwa mujibu wa sheria ya manunuzi ya umma imepewa kazi ya kuishauri Serikali kuhusu masuala ya manunuzi, kuanzisha mifumo ya kieletroniki ya manunuzi, kufanya ukaguzi na uchunguzi katika Taasisi za umma iwapo zinazingatia sheria za manunuzi ya umma na kuzijengea uwezo Taasisi Nunuzi ikiwa ni pamoja na Taasisi za umma na Wafanyabiashara (wazabuni).

Ndg Maregesi amehimiza manunuzi yanayofanywa na Taasisi za umma yaendelee kufanyika kupitia mfumo wa kielektroniki wa ununuzi wa umma NeST kwani kushindwa kufanya hivyo kutasababisha kuchukulia hatua kali za kisheria ikiwemo kulipa faini, kwenda jela au vyote kwa pamoja iwapo mahakama itajiridhisha pasina shaka kukwepa kwa makusudi kutumia mfumo wa manunuzi.