Watumishi wa Umma Siha waaswa kujiimarisha katika TEHAMA

Posted on: March 12th, 2024

Mkurugenzi Mtendaji Halmashauri ya Wilaya ya Siha Dkt Haji M. Mnasi amewahimiza watumishi wa umma kuendana na mabadiliko ya Teknolojia ya Habari na Mawasiliano (TEHAMA) kwa kuongeza weredi, ufanisi na maarifa.

Dkt Mnasi amesema hayo leo Machi 12, 2024 wakati akihitisha kikao kazi cha watumishi wa umma Wilaya ya Siha na maafisa matekelezo wa Mfuko wa Pensheni kwa Watumishi wa Umma (PSSSF) wa Mkoa wa Kilimanjaro chenye lengo la kutoa elimu kuhusu huduma zinazotolewa na Mfuko huo kwa wateja wake na namna ya kufuatilia na kuhakiki michango yao kupitia PSSSF Kiganjani.

Amesema serikali na taasisi za serikali zinajitahidi kuweka miongozo, taratibu na kanuni mbalimbali katika tovuti zake rasmi kwa lengo la kuwasogezea wananchi taarifa na elimu zitakazowawezesha kufanya kazi na kufahamu shughuli zinazotekelezwa na serikali.

Mkurugenzi Mtendaji  Halmashauri ya Wilaya ya Siha Dkt Haji M. Mnasi akifunga kikao kazi cha watumishi wa umma Wilaya ya Siha na maafisa matekelezo wa Mfuko wa Pensheni kwa Watumishi wa Umma (PSSSF) wa Mkoa wa Kilimanjaro chenye lengo la kutoa elimu kuhusu huduma zinazotolewa na Mfuko huo kwa wateja wake na namna ya kufuatilia na kuhakiki michango yao kupitia PSSSF Kiganjani Machi 12, 2024 kilichofanyika katika ukumbi wa mikutano wa makao makuu ya Halmashauri.

“Katika dunia ya sasa ni vyema ukafahamu masuala ya Teknolojia, uwe na uwezo wa kuingia na kupakua taarifa mbalimbali za Serikali na Taasisi nyingine zisizo za serikali, hii itasaidia kuongeza weredi, ufanisi na maarifa kwa watumishi” amesema Dkt Mnasi.

“Mfano mzuri Halmashauri yetu inatoa taarifa nyingi sana za utekelezaji wa shughuli za maendeleo lakini ukiingia kwenye tovuti na mitandao ya kijamii wanaofuatilia taarifa zetu ni wachache kweli na watumishi tupo 1212, tufuatilie taarifa zetu ili kufahamu maelekezo na taarifa zinazotolewa kila siku” ameongeza Dkt Mnasi

Afisa Matekelezo wa Mfuko wa Pensheni kwa Watumishi wa Umma (PSSSF)  Mkoa wa Kilimanjaro Shaban Maneno leo Machi 12, 2024 akitoa elimu kwa watumishi wa umma Wilaya ya Siha wakati wa kikao kazi chenye lengo la kutoa elimu kuhusu huduma zinazotolewa na Mfuko huo kwa wateja wake na namna ya kufuatilia na kuhakiki michango yao kupitia PSSSF Kiganjani kilichofanyika katika ukumbi wa mikutano wa makao makuu ya Halmashauri.

Picha mbalimbali za Watumishi wa Umma Wilaya ya Siha wakiwa kwenye kikao kazi na maafisa matekelezo wa Mfuko wa Pensheni kwa Watumishi wa Umma (PSSSF) chenye lengo la kutoa elimu kuhusu huduma zinazotolewa na Mfuko huo kwa wateja wake na namna ya kufuatilia na kuhakiki michango yao kupitia applikesheni ya PSSSF Kiganjani kilichofanyika leo Machi 12, 2024 kwenye ukumbi wa makao makuu ya Halmashauri.