Watoa Huduma za Afya Ngazi ya Jamii wapata mafunzo

Posted on: April 27th, 2023

WATOA HUDUMA ZA AFYA NGAZI YA JAMII WAPATIWA MAFUNZO

Mafunzo ya upimaji, ufuatiliaji na unasihi wa Lishe ( NACS) kwa watoa huduma ngazi ya jamii yamefanyika tarehe 27/4/2023 katika ukumbi wa Hospitali ya Wilaya ya Siha.

Mafunzo  hayo yametolewa kwa watoa huduma za Afya ngazi ya Jamii wapatao 30 kutoka Kata za Livishi, Kashashi, Donyomurwa, Makiwaru,Ivaeny na Kirua.

Lengo la Mafunzo ni kuwajengea uwezo Wahudumu wa Afya ngazi ya Jamii kuhusu upimaji wa hali ya Lishe kwa watoto chini ya miaka  5 ,Mama  Wajawazito pamoja na

 kuwapa uwezo wa kutoa unasihi kwa jamii kuhusu maswala mbalimbali ya Lishe yanayoikumba jamii ngazi ya Kitongoji na Kijiji.

Mafunzo haya muhimu yameandaliwa na Halmashauri ya Wilaya ya Siha ambayo yamelenga kuongeza ufanisi na utendaji kazi kwa watoa huduma za Afya ngazi ya Jamii katika Kata na Vijiji vilivyoshiriki.