Wastaafu watakiwa kuendelea kutoa ushauri

Posted on: October 30th, 2017

Watumishi wa Umma waliomaliza muda wao katika Utumishi wa Umma wameombwa kuendelea kutoa ushauri Kwa watumishi wa Umma waliobaki Kwa lengo na kuboresha Kazi katika Utumishi Serikali.

Hayo yamesemwa na Mkurugenzi Mtendaji wa Halmashauri ya Siha Valerian Juwal mwishoni mwa wiki alipokuwa katika kituo cha utafiti wa mifugo TALIRI ambapo hafla fupi ya kuwaaga watumishi watano ilifanyika.

Katika hafla hiyo,Mkurugenzi Mtendaji wa Halmashauri ya Siha aliwataka watumishi wanaobaki  ofisi za Umma kuiga mfano mzuri wa utendaji na uwajibikaji kutoka watumishi waliomalizà muda wao katika Utumishi wa Umma.

Kituo cha utafiti wa mifugo TALIRI kipo Kata ya Mitimirefu,Tarafa ya Siha magharibi Wilaya ya Siha na ni miongoni mwa vituo Saba vya utafiti wa mifugo vilivyopo hapa nchini.

Kituo hiki kinajishughulisha na utunzaji wa mbegu Bora za wanyama wa kufugwa pamoja na kufanya utafiti mbalimbali wa magonjwa ya mifugo hapa Nchini.