WANANCHI SIHA WATAKIWA KUSHIRIKI UCHAGUZI MKUU KWA AMANI NA UTULIVU

Posted on: October 26th, 2020

Wananchi wa Jimbo la Siha Mkoa wa Kilimanjaro wametakiwa kushiriki uchaguzi mkuu wa Rais ,Wabunge na Madiwani kwa amani na utulivu. Ushauri huo  umetolewa na  Mwenyekiti wa kamati ya ulinzi na usalama Wilaya ya Siha ambaye pia ni Mkuu wa Wilaya ya Siha mhe. Onesmo Buswelu.

Hayo ameyasema leo tarehe 26.10.2020 alipokuwa alikagua utekelezaji wa miradi ya maendeleo unaotekelezwa na Serikali ya awamu ya Tano katika Wilaya ya Siha. Ndugu zangu naomba kuwashauri kuwa mjitokeze kupiga kura kwa wingi na mara baada ya kupiga kura mrudi majumbani na kusubiri matokeo alisema na kuongeza Mhe. Onesmo Buswelu.

alieleza kuwa Serikali imejipanga kuimarisha ulinzi wa raia na mali zao wakati wa upigaji wa kura,wakati wa kutangaza matokeo na wakati mwingine wowote usalama utakuwepo kwa asilimia 100 na amewataka wananchi  wa Wilaya ya Siha kushiriki katika uchaguzi wa tarehe 28/10/2020 ili kukamilisha haki yao ya kikatiba.