WANANCHI KASHASHI WILAYANI SIHA WAMSHUKURU RAIS SAMIA UJENZI BARABARA

Posted on: January 27th, 2023

WANANCHI WA KATA YA KASHASHI WILAYA YA SIHA MKOA WA KILIMANJARO WAMEMSHUKURU MHE.DKT.SAMIA SULUHU HASSAN RAIS WA TANZANIA KWA UJENZI WA BARABARA Korofi ya  CHANGARAWE Katika Kata hiyo.

 Ujenzi wa barabara hiyo mpya unaoendelea kujengwa  Barabara ijulikanayo Kwa jina la  Muri-Nkwamariko-Naweru yenye Kilomita Taktribani 2 Kwa gharama ya shilingi Milioni 120.29(milioni zaidi ya mia moja na ishirini fedha za Kitanzania).

Diwani wa Kata ya Kashashi mhe.Suzana Kihundrwa amesema kuwa ujenzi huo wa barabara korofi umesaidia kuungamisha Wananchi wa Kata hiyo na Vijiji vya Kata hiyo na Wilaya jirani ya Hai.

Amesema kuwa Wananchi wa Kata ya Kashashi wanamshukuru sana Mbunge wa Jimbo la Siha mhe.Dkt.Godwin Mollel Kwa juhudi zake za kuharakisha maendeleo katika Kata ya Kashashi kwani tangu Uhuru wa Tanzania barabara hiyo Ilikuwa haipitiki.

"Mungu wa mbinguni azidi kumbariki Rais wetu Samia Suluhu Hassan pamoja na Mbunge wetu wa Siha Dkt.Godwin Mollel" alisema mhe.Suzana Kihundwa.

Meneja wa TARURA Wilaya ya Siha mhandisi Kavishe amesema kuwa ujenzi wa barabara hiyo ya CHANGARAWE unatarajiwa kukamilika Hadi mwishoni mwa mwezi Machi,2023.