Wananchi Jimbo la Siha watakiwa kujitokeza siku ya kupiga kura

Posted on: February 13th, 2018

Wananchi watakiwa kushiriki siku ya kupiga kura Jimbo la Siha

Msimamizi wa uchaguzi jimbo la Siha ndugu Valerian Juwal amewata wananchi wa Jimbo la Siha kutimiza haki yao ya kidemokrasia kwa kushiriki vema katika uchaguzi wa tarehe 17.2.2018

Hayo ameyasema akiwa katika zoezi la mafunzo kwa wasimamizi wakuu wa vituo,wasimamizi wasaidizi pamoja na makarani wa vituo.

Katika mafunzo hayo msimamizi wa uchaguzi jimbo la Siha amewataka wasimizi hao kusimamia uchaguzi kwa kuzingatia sheria,taratibu na maelekezo yaote yaliyotolewa kwa mujibu wa taratibu za kuendesha uchaguzi.

Uchaguzi jimbo la Siha utafanyika tarehe 17.02.2018 siku ya jumamosi ambapo wananchi watapiga kura ya kumchagua mbunge wa jimbo la Siha na wananchi wa Kata za Kashashi,Gararagua na Donyomuruak watapiga kura za kuwachagua madiwani na Mbunge pia.

Ametoa wito kwa wananchi kushiriki kupiga kura katika uchaguzi huo bila woga kwani ulinzi utakuwepo wa kutosha katika vituo na maeneo yote ya Wilaya ya Siha.