Wanafunzi 2011 kujiunga na Kidato cha kwanza Wilaya ya Siha 2021

Posted on: December 29th, 2020

Jumla ya Wanafunzi 2011 katika Halmashauri ya Wilaya ya Siha wamechaguliwa kujiunga na kidato cha kwanza mwaka 2021 katika shule za Serikali Wilaya ya Siha Mkoa wa Kilimanjaro. Kati ya wanafunzi hao 940 ni wavulana na 1071 ni wasichana.

Mkurugenzi Mtendaji wa Halmashauri ya Siha Ndugu Ndaki Mhuli ameeleza kuwa Halmashauri ya Wilaya ya Siha itahakikisha kuwa wanafunzi wote waliochaguliwa wanajiunga na masomo ya kidato cha kwanza mapema mwezi Januari mwaka 2021

Wanafunzi waliochaguliwa ni sawa na asilimia 100 ya wanafunzi wote waliofaulu na wenye sifa za kujiunga na elimu ya sekondari amesema na kuongeza Mkurugenzi Mtendaji wa Halmashauri ya Siha, Pia ametoa wito kwa wazazi na walezi kuendelea kufanya maandalizi ya vifaa mbalimbali vya shule kwa ajili ya watoto wao  kama vile madaftari ,viatu na sare za shule