Walimu wa Sekondari Wilaya ya Siha wapewa mbinu zaidi za ufundishaji

Posted on: February 6th, 2023

Mkurugenzi Mtendaji wa Halmashauri ya Wilaya ya Siha Mkoa wa Kilimanjaro Pendo Mangali leo Jumatatu tarehe 6 Februari ,2023 amefungua mafunzo ya Siku mbili ya kuwajengea uwezo Walimu wanaofundisha kidato cha kwanza mwaka 2023 katika  Shule za Sekondari Halmashauri ya  Wilaya ya Siha.

Mafunzo hayo ya Siku mbili yanafanyika katika shule ya Sekondari Magnificat kuanzia tarehe 6.2.2023 na kumalizika tarehe 7.2.2023

Kabla ya kufungua mafunzo hayo Afisa Elimu Sekondari Mwalimu Naomi Swai alisema kuwa Lengo laafunzo hayo ni kuwajengea uwezo na umahiri  wa ufundishaji Walimu wanaofundisha Masomo  kidato cha kwanza mwaka 2023.

Ameeleza kuwa mafunzo haya ndiyo Msingi mkubwa wa ufundishaji wa lugha ya Kiingereza katika shule za Sekondari hasa ukizingatia kuwa lugha ya kufundishia na kujifunza katika shule za Sekondari hapa Nchini ni Kiingereza alisema Naomi Swai Afisa Elimu Sekondari.

"Napenda kutoa wito Kwa Washiriki wote kuzingatia Yale yote mtakayofundishwa katika siku hizi mbili mtakazokuwa hapa ili baada ya mafunzo tija ya kuongezeka Kwa ufaulu ionekane katika shule zote za Sekondari katika Halmashauri yetu ya Wilaya ya Siha" alisema Pendo Mangali Mkurugenzi Mtendaji Halmashauri ya Wilaya ya Siha.

 Zaidi ya Walimu  171 wanaofundisha Masomo kwa Wanafunzi wa Kidato cha kwanza katika shule za Sekondari Halmashauri ya Wilaya ya Siha  wanashiriki katika mafunzo haya muhimu ya siku mbili.