Wafugaji Wilaya ya Siha Waishukuru Serikali

Posted on: December 29th, 2022

Mhe.Thomas Apson Mkuu wa Wilaya ya Siha Leo 29 Disemba ,2022 akutana na wafugaji Wilaya ya Siha na kuzungumzia masuala mbalimbali ya kuboresha ufugaji na kutekeleza maagizo ya Waziri Mkuu wa Jamhuri ya Muungano wa Tanzania aliyoyatoa hivi karibuni.

Kikao hicho maalum Cha mkuu wa Wilaya ya Wafugaji wa Wilaya ya Siha kimefanyika katika ukumbi wa Mikutano wa Halmashauri ya Wilaya ya Siha na wafugaji wameitikia wito wa kutambua mifugo yao Kwa kuweka hereni.

Katika kikao hicho Wafugaji wa Wilaya ya Siha  wamemshukuru Mhe.Samia Suluhu Hassan Rais wa Jamhuri ya Muungano wa Tanzania kwa kuipatia Wilaya ya Siha fedha za kujenga  majosho katika Kata ya Donyomuruak na Mitimirefu na kusaidia kuboresha Afya za mifugo  yao.

Dr.Barnabas Mbwambo Mkuu wa Divisheni ya Kilimo,Mifugo na Uvuvi amesema kuwa zoezi la kutambua Mifugo Wilayani Siha ni endelevu na linasaidia katika kupunguza migogoro Kwa kutambua mifugo inatoka nje ya Wilaya yetu ya Siha.